Қостанайда «Әділетті және Прогрессивті Қазақстанның Халықтық Конституциясы үшін!» өңірлік коалиция мүшелері облыстық аурухана қызметкерлерімен мазмұнды кездесу өткізді. Іс-шара еркін пікір алмасу және ашық диалог форматында ұйымдастырылып, әрбір қатысушыға мемлекетіміздің даму бағыттарына қатысты өз ойын ортаға салуға және көкейкесті сауалдарына жауап алуға мүмкіндік берді.
Кездесу спикерлері – коалиция мүшелері Татьяна Булгацевич пен Гүлмира Дамбаулова жаңа Конституция жобасының негізгі ережелеріне терең талдау жасап, ұсынылып отырған өзгерістердің басты мақсаты – әділдік, заңдылық принциптерін нығайту және мемлекеттің азаматтар алдындағы жауапкершілігін арттыру екенін ерекше атап өтті. Референдумда төбе көрсетіп, дауыс беру әрбір азаматтың барызы деп баса айтты Татьяна Булгацевич.
«Референдум – бұл әрқайсымыз үшін ел болашағына тікелей әсер етудің бірегей мүмкіндігі. Біз тек дауыс беріп қана қоймай, өзіміздің азаматтық ұстанымымызды білдіруіміз қажет. Ортақ үйіміз – Қазақстанның ертеңі әрбір азаматтың таңдауына байланысты. Сондықтан 15 наурыз күні бірлігімізді танытып, маңызды шешім қабылдауға атсалысу – баршамыздың ортақ парызымыз»- деді ол.
Реформалардың әлеуметтік бағыты, атап айтқанда, адам құқықтарын қорғау, отбасы институтын қолдау және әрбір қазақстандықтың әлеуетін іске асыруы үшін тең мүмкіндіктер жасау мәселелеріне басымдық берілді. Коалция мүшесі Гүлмира Дамбаулова талқылау барысында жаңа Конституция жобасы денсаулық сақтау жүйесін жетілдіруге, медициналық қызметтердің сапасын арттыруға және сала мамандарының әлеуметтік жағдайын жақсартуға берік құқықтық негіз қалайтыны айтылды.
«Жаңа Конституция – бұл жай ғана заңдар жиынтығы емес, бұл әділетті қоғамның жаңа келісімі. Онда әрбір қазақстандықтың, әрбір отбасының мүддесі қорғалған. Біз адамның қадір-қасиеті бәрінен биік тұратын мемлекет құрып жатырмыз», – деп атап өтті коалиция мүшесі.
Ақ халатты абзал жандар ұсынылған бастамаларға қатысты кәсіби көзқарастарын білдіріп, пікір алмасуға белсене қатысты. Өзара сенім мен жауапкершілік жағдайында өткен бұл кездесу еліміздің жарқын болашағын қалыптастыру жолындағы сындарлы қоғамдық диалогтың маңызды кезеңі болды.
